खेळ

काही सांगायचे होते
अन स्वताचेच गुपित ऐकायचे होते
सांगता सांगता आपल्याच मिठीन कोसळून
ऐकता ऐकता हलकेच डोळे पुसायचे होते

काही विसरायचे होते
अन काही आठवायचे होते
विसरता-आठवता हळूच स्वताला हरवायचे होते

काही सांभाळायचे होते
अन काही गमवायचे होते
बंद मुठी उघडून
उधळून सगळे लावायचे होते

खेळ मांडायचे होते
अन मग विसकटून टाकायचे होते
बिखरलेले सावरताना मग
परत स्वताला शोधायचे होते